Seguimos traballando sobre o outono, e hoxe trouxemos unha nova proposta que foi un éxito! MANDALAS DE OUTONO
Despois de explicarlles o que era un mandala e as súas características máis representativas como a forma redonda e a repeteción de formas e figuras, por parexas (elexidas libremente) tiñan que facer a súa propia composición artística empregando elementos típicos de outono!
Nós proporcionamos o molde, un aro, o resto, creatividade en estado puro!
O pasado 20 de outubro foi o aniversario de Carlota. Despois de facer o libriño de debuxos e a súa coroa, festexamos esta data tan especial para todos nós. Mirade as cariñas dos compis, absoluta felicidade.
Para esta actividade solicitamos a colaboración das famlias, achegando na medida do posible cousiñas de outono como follas, froitos, ramas... Unha vez tiñamos o material, collimos varias bolsas (sen saber o que había dentro) e botámolas enriba da mesa! Quedaron abraiados con todo o que alí había!
Vimos que había follas de moitas cores, con formas e tamaños diferentes, que había piñas grandes, medianas e pequenas, ourizos con castañas dentro, bellotas, abelás, noces... e antes de investigar decidimos clasificar as follas xuntando as que máis se parecen, facer un montonciño de ramas, e pór nunha bandexa os froitos... e este é o resultado
O pasado 12 de outubro, a nosa compañeira Sara fixo 5 aniños. Despois de facerlle o seu libriño de debuxos, ensinounos un xoguetiño que trouxo da casa e quixo compartir cos seus compis. Rematamos a xornada xogando ás estatuas musicais, un xogo que lles encanta.
Na última semana de setembro celebramos todos os aniversarios dos nenos e nenas que non puideron soprar a veliña cos seus compis durante o tempo que estivemos na casiña. O certo é que despois de tantos meses confinados, tiñamos moitas ganas de festexar, de bailar e de pasalo ben. Nestes días celebramos os aniversarios de MARIANA, LOIS, CATALINA, DAVID, XOEL e CHLOE. O primeiriño que fixemos foi crear a nosa coroa.
Logo sopramos a veliña, xogamos ás estatuas musicais e entregamos os libriños de debuxos como agasallo. Velaí tedes as fotos dos protagonistas, e mirade que cariñas de felicidade!
MARIANA (16 MARZO 2020)
Este curso os bombóns de 6º A tiñan moita curiosidade por saber o día exacto no que os seus compis celebraban o seu aniversario, circunstancia que aproveitamos para traballar os meses do ano. Decidimos facer unha guirnalda que puidésemos colocar nun lugar visible para toda a aula. Entre todos pintamos cada un dos meses do ano, empregando pezas de construcción e témperas de cores.
O 25 de setembro celebramos o aniversario de Santi. Foi un día moi especial e estaba moi emocionado, pois sabía que nuns días chegaría a este mundo a súa irmanciña Lúa. Coma en tódolos aniversarios, fixemos o libriño de debuxos, cantamos e bailamos.
PARABÉNS SANTI
O pasado 22 de setembro, foi o aniversario de Sophía. Ese día estaba moi emocionada, e como non podía ser doutro xeito, celebramos os seus 5 aniños cunha festa na que bailamos e cantamos.
O 22 de setembro comezaba unha nova estación, o outono. Sabemos que no outono a veces chove, fai vento e algunhas folliñas das árbores caen, mentres que outras non... sabemos que hai froitos que propios de esta época do ano... Pero temos todo o trimestre para seguir aprendendo e investigando! Deixamos aquí unha canción de outono que nos gusta moito!
Os primeiros días fixemos unha tarta de porexpan coa que celebraremos os nosos aniversarios neste curso! Cada equipo encargouse de pintar un piso deste pastel empregando témperas de cores vivos, esponxas e pinceis.
Ao rematar botamos purpurina e deixamos secar. Logo coa axuda da profe montamos a tarta, puxemos uns pompóns, a vela do número 5, e xa a temos lista para festexar!
Despois de tanto tempo na casiña, por fin chegou o día que todos estábamos esperando, A VOLTA AO COLE.
O primeiro día, a nosa aula convirteuse nun espazo cheo de emocións e sensacións moi distintas. Había moitos nervios, ilusión, curiosidade... un pouquiño de todo. Foi un reencontro moi especial, aínda que sen dúbida, o máis importante é que estamos xunt@s e TODO SAIU BEN!
Por iso ocurréusenos que a mellor maneira de darlle a benvida a este novo curso, sería debuxando o arco da vella que estivo presente nas fiestras dos nosos fogares durante o confinamento.
Esperamos que vos guste!
